Sere Vakaviti

Sere Vakaviti Kece

Revised and Reprinted
COURTESY OF US QVS Association - 8/6/2008

SONG LIST

AU SA OCA NI’U MATECA TU
BIAU MAI WASA
BIU KO SUVA NIKUA
BOGI NI LOTULEVU
BUNA! NA ISA LEI BUNA!!
NA LOTU MAI NA YATU LAU
CIRI YAWA TU NA VAKANANU
DARU MAI LULULU E NA BARAVI DOMONI
DAUMAKA DINA ADI NA CILA NI VULA
DIVA LESU TU NA GAUNA
DUA GA NA BOGI NI NANUMA TU
E NA DELA NI WAI SILIVA
E NA RUKU NI VULA VOU DE’U TADRA BEKA
E NA VUKU NI LOLOMA
GAUNA CAVA MADA ME NA QAI OTI
ILAGI E TAWA GUILECAVI
ISA AU DIVA MO KILA MADA DEAR NA LOMAQU
ISA AU TAGI E NA NOQU RARAWA
ISA KABANI SA I IKO NA NOQU SENIROSI
ISA LEI KABANI NA VOSA OQO
ISA LEI KO VITI
ISA LEI LIA
ISA LOMAI – ISA NOQU LOMAI
ISA NA NOQU DAULOMANI
ISA NA TADRA
ISA NA YAKAVI NI KIRISIMASI
ISA NOQU LEWA AU DOMONI IKO
KATINI NI OKOTOVA
KIRISIMASI NAMAKI
KO BAU NA YANUYANU
KO I AU BEKA NA GONE VULAGI
KUA NI TAGICAKI AU, NOQU VITI LOMANI
LAGILAGI E NA TAWA GUILECAVI
LINDEN LEA
LIWAVI AU NA TOKALAU
LOVELY FRANGIPANI I ADORE YOU
LUTU SOBU NA YAKAVI
MANUMANU VUKA
MATAI NI GAUNA DARU A SOTA KINA
MATAISUVA
MEDA MAI TAURA TALE
MUDRE MAI NA CEVA
NA CILA NI VULA DARU YABE NO
NA CILA NI VULA SA DAUMAKA
NA KEQU LEWA SA LAIVI TU
NA MATANICIVA AU A VAKAWALETAKA
NA NOQU DODOMO VEI KEMUNI
NA NOQU SENIKAU DAUDOMONI
NA ROSI NI DELANA
NA SENIKAU TALEI VEI AU
NA SENITOA (Noda soqo ni yabaki)
NASAVUSAVU NA VANUA NI LASA
NATEWA NA NOQU KORO NI VASU
NI LUTU NA TEGU NI MATAKA
NI RUI DEDE KO YALI TU MAI VALE
NODARU GAUNA..ISA! LEI!… MARAMA
NOMU SIGA NI SUCU LEI ADI
NOQU SENIBUA QOROI
RATU NACAGILEVU
REWA AU CIBI TU, E VUKUMUNI
ROGO MAI NA KACI NI NOQU MATANITU
RUI TAWA YALANI NA NOQU DODOMO
SA BALE DUA NA NA DURU
SA I LEVUKA GA
SA LAVETI TU, YACA AU DOKA
SA MOCE LEI SISI
SA SEAVU TIKO YANI VAKAMALUA NA KEMU KAMICA
SALUSALU QOKA KIDAVAKI KINA
SEGA NI’U A TADRA
SENIJIALE, NA SENIJIALE
SENIVAU VULA
SERE KEI NASINU
SERE NI DODOMO VEI KEMUNI
SERETAKA NA VEITALATALA
SOBO MARICA NOMU LAKO
SOQO VINAKA
SURETI KEMUNI LEI ADI
TAGIMAUCIA GA NA SENIKAU TALEI
TALANOATAKA MADA NA NOQU BIUTI NEITOU
TALEI NI NOMU I VAKARAU
TAMAQU SA IKO GA
THREE HUNDRED ISLANDS
TOBU TAWA SINAI
TOU MAI LAVETA NA NODA MARAU
TUBU TIKO NA GAUNA LAGILAGI
TUKUNA NA NOQU I LOLOMA
VAKARAU TUBUNA SA TAKALI
VAKARAUBUKA AU BIUTI SUVA
VAKAYATUYATU NI NOQU DODOMO (MERE SAYABA)
VEIBOGI KECE AU MOCE VAKACA
VEISIGA AU DIVA TU
VEIVANUA AU DAUSOKOTA VOLI
VEIYATU YANUYANU


AU SA OCA NI’U MATECA TU

Au sa oca ni’u mateca tu
Me’u bau gade mada mai
Ki na Vanua domoni talei
Ka ni daukacivi au tu mai.

Noqu tadra au kila tu ga
Ko vanua ni marau
Ukutaki lagilagi matalau
Vanua ni veisenikau.

Isa noqu tadra
Ka ni’u daudiva tu
Me’u bau gade made mai ki vei kemuni
Vanua ni Isa Lei

BIAU MAI WASA

Biau mai wasa,
Rairai vinaka.
Ni’u mai vakasarava
Yanuyanu ciri yawa.

Voleka tu yani ki vanua
Ramase na dela ni nuku vula
Selo e rorogo yadua
Vulagi beka e sara vanua.

Korolevu ni kele na waqa
Osodrigi na matasawa
Lululu ni veitalatala
Vakarau na soko wasa.

E kabu tu mai vakayawa
E loma ni wasawasa
Vatulele na yacana
Sa vanua ga ni lasa.


BOGI NI LOTULEVU

Bogi ni Lotulevu me biu ko Suva
Me’u sokota na loma ni wasa bula
Me’u vodoka na vana rua
Kele Yani ena siga ka dua
Mai Yale na nomuni vanua

Na veiqaravi e liu tau mada
Qaloqalovi sevusevu kece sara
Qoroqoro tu ena’i tovo ni lasa
Mai vei ira kecekece sara
Na Mata timi ni Nabua na yacana

Neimami soqo na ka lagilagi
Salusalu era Taubena yani
Salusalu vono ni ucu i matari
Era taubena tu na vulagi
Kenai divi ni dau lutu na yakavi

Veitalatala na ka rarawa
Ni donumaka na siga ni turaga
Au diva tu ke a sega tara
Ke bau dua na soqo vinaka
Mai Yale na vanua turaga

Ni sa moce mai Yale raraba
Bua ni Nabua e vakalasalasa
Na i loloma levu tawayalani rawa
Vei kemuni kecekece sara
Na mata timi ni Nabua raraba


BIU KO SUVA NIKUA

Biu ko suva nikua
Isa kabani mata lomani
Tiko e na kemu lagilagi
Moce yani kabani, moce yani.

Noqu i tautau vei iko senirosi
Mo nanuma na i yaloyalo oqori
Kua ni biu me karoni
Na sikavu sa mai noqu bula voli.

Mataka lailai me’u yadra
Ko Suva sa kabu yawa sara
Diva na matamu ni ko yadra
Mai voroka wale noqu gacagaca.

Isa na levu ni biau
Wele beka mai Suva ko noqui i tau
Diva ni ko dausiro sobu mai
Voleka me’u lade wale ki wai.


BUNA! NA ISA LEI BUNA!!

Buna na isa lei Buna
Nodaru veidomoni
Tekivu sara yani
Ni ko a se vuli nasi voli
Na matamu au diva
E rui totoka sara vakaoti
Me i cavai tu na bula
Ni ko yali senirosi.

Adi na isa my darling
Na cava beka ko bau nanuma
E na noqu mai tagi
Se’u tu taudua e vanua
Ko yaloyalo tiko mai waqa
Sa gole tu me sa mua
Buna na isa lei Buna
Cava tale ko nanuma.

Taura na nomu i lesilesi
Ko sa lesi yani ki Levuka
Ki na nomu koro dina
Mo la’ki senikau ni valenibula
Bau nanumi au mai
E na noqu tu voli e Suva
Au bolea me’u ova yani ki nomu vanua.


CABE NA LOTU MAI NA YATU LAU

Cabe na Lotu mai na Yatu Lau
Vakaitavi me vakatetei
Ka yalo dina ka vosota mai
Sa yaco rawa, tiko sautu

U-u-u oi au iye!
Malo a vosota
U-u-u ki Vuanirewa
Malo a vosota

Veivanua ciri ka kilai
E veivatu dauvosoti mai
Vanua dina ni bula marau
I Lau lomani, ko na divi tu.


CIRI YAWA TU NA VAKANANU

Ciri yawa tu na vakanananu
Wasawasa e vakalidi maravu
Vuso-ni-ua vulavula e na vatu
Mai cakau.

Macawa e karakarawa
O vulavula era ciri yawa
Sa gole na waqa vakalaca
Ki wasawasa

Ke’u manumanu beka me’u vuka
Vuka sara ki na baravi vula
Ki neitou mata-ni-vale e tuba
Qai rauta.

Tamaqu, Nau drau sa rui yawa
Noqu leqa kece tou saga vata
Me qai rawa ni tou tauca vata
Na vuana.


DARU MAI LULULU E NA BARAVI DOMONI

Daru mai lululu e na baravi domoni
Me’u mokoti iko Adi daru regu me i otioti
Vosa kece ko cavuta vakauqeta na yaloqu
Ni ko na dina vei au vu ni noqu marau.

Yalovinaka Isa Adi
Mo nanumi au tikoga
Me daru na sota tale
E na baravi domoni mai keya
Au na waraka tiko
Na nomu vosa vei au
Vakadinadinataka ni sa iko noqu senikau.

Yalovinaka Isa Adi
Mo nanumi au tikoga
Me daru na sota tale
E na baravi domoni mai keya
Daru mai lululu
E na baravi domoni
Me’u mokoti iko Adi daru regu me i otioti


DAUMAKA DINA ADI NA CILA NI VULA

Daumaka dina Adi na cila ni vula
Ni da dauyabe yarua
Isa Lei! Marama cava tale ko nanuma
E noda koro levu oqo ko Suva.

Isa my dear… mo ni taura na ligaqu!
Dreta noqu vinivo balavu
Au na rai kivita na i cavucavu ni yavamu
Sai iko dear na noqu salusalu.

Daumaka dina na nodra roka na Marama
Vulavula kei karakarawa
Ni da dauraica e boiri na matada
Vuni noqu mai moce tatadra.

Ono na kaloko ni lutu na yakavi
Tokara na i sulu ni yaviyavi
Na i sulu ni yabe cake tu ki Turaki
Dui tubera nona kabani.

Ni suka na vude, meda veitauriliga
Me yaga mada na cila ni vula
So e cabe cake tu ki Kaunikuila
Ka so e sisi sobu ki Draiba.


DIVA LESU TU NA GAUNA

Diva lesu tu na gauna
Kena veilasa kecega
Sega ni na yali vei au
Na totoka ni nomu i vakarau

Totolo mai na gauna
Meda mai veirai
Sa rui dredre, me vosoti
Tu veiyawaki oqo

Sega tale, dua e kila
Noqu daunanumi kemuni
Isa e malumu, matau
Taucoko ni nomu i vakarau.

E na dei tu e lomaqu
Nomu sa vakadonuya tu
Sega sara ni’u taqaya
Au sa na nuidei tu ga.


DUA GA NA BOGI NI NANUMA TU

Dua ga na bogi au nanuma tu
E na nuku ramase, baravi lala
Serau e matamu rarama ni vula
Lutu koto na maravu ni yakavi.

E memela tu na i vakatagi
Koula tu na viavia
Drau ni niu e lumisa
Sa na sega tale bogi au nanuma
Bogi ga daru a sota kina.

Vakavatukana tu noqu tadra
E na nuku ramase baravi lala
Serau e matamu rarama ni vula
Lutu koto na maravu ni yakavi.

E memela tu na i vakatagi
Koula tu na viavia
Drau ni niu e lumisa
Sa na sega tale bogi au nanuma
Bogi ga daru a sota kina.


E NA DELA NI WAI SILIVA
E na dela ni wai siliva
Ciri malua koto ko viwa
Kiuva, Kaba e coka
La’ki Toberua sara
Mai cake Moturiki, Verata
E loma yanuyanu turaga
Ki vanua batiri Namara
Viribaiti mai wai vanua talega
E na dela ni wai siliva.

Solo:
Vula e Bau e mosi ni tukuni
Veiyalovi na kemu i rairai
Taladrodro na i boi ni kau salusalu
“Ra lumisa e na i serau ni vula
Isa Bau, e gadrevi ka domoni
Rui qoroi na kemu i serau
Serau lumisa salusalu kei Bau
E na dela ni wai siliva.

Kemu i rogorogo au cibitaka
Ko vueta noqu viti lomani
Mai na rusa ki na bula
Mai na beci ki na cibi
Na lotu ko dolava na sala
Titobu raba i levu na i tavi
Ko colata e na veiveigauna
Ki Bau lomani veigauna ko daudivi
E na dela ni wai siliva.


E NA RUKU NI VULA VOU DE’U TADRA BEKA

E na ruku ni vula vou de’u tadra beka
Yanaraka tu na bogi na i boi ni senikau
E na ruku ni vula au gaganotaka
Me memela mai na domo au diva tu.

Totoka na i rairai ni dela ni wai
Soro kidikidi tu mai na ua lalai
E na ruku ni vula vou de’u tadra beka
Rui totoka oti dina tu vei au.


E NA VUKU NI LOLOMA

E na sega tale na loloma e sivia
Meda oga e vukudra na wekada.

E na vuku ni loloma
Kau mai kina na Lotu
Ki na veiyanuyanu
Eda taukena tu
Na loloma titobu
Dave kina na dra
Yali na buto
Eda rarama tu.

Duri na Kioniferedi
Eda marautaka tu
Kena veiogaoga
Eda cola vata tu
Keda vukei keda
‘Da na vukei dina ga
Koya ga na Tui
Na noda Kalou.

Cabe mai na Yatu Lau
Tete sara yani
Ubi Viti koto e gauna oqo
Lotu tu ko Viti na loloma ga
Yali na buto eda rarama tu.


GAUNA CAVA MADA ME NA QAI OTI

Gauna cava mada me na qai oti
Ni rogici tiko dua na rorogo
Rogo voli mai rogoci tu oqo
E daurogoci tikotikoga.
E se sega mada ni dua na gauna
Bau mudu kina na rorogo ‘qo
Rogo voli mai rogoci tu oqo.
Na drodro tu ni wai ki na tobu.

Ke sa na qai mudu na rorogo ‘qo
Dua ga na ka sa kilai
Koya ni qai sinai vakadua tu
Qai Sinai vakadua tu na tobu.
E se sega mada ni dua na gauna
Bau mudu kina na rorogo ‘qo
Rogo voli mai rogoci tu oqo.
E sa na daurogoci tikoga.

Veisiga kece dauvotu mai
Ki vu-ni-yaloqu na taro oqo
Au a saga, sagai tu oqo
E na dausagai tikotikoga.
Se gauna cava me na qai mudu
Ni rogoci tiko dua na rorogo
Rogo voli mai rogoci tu oqo
Ni drodro tu ni wai ki na tobu.


ILAGI E TAWA GUILECAVI

Ilagi e na tawa guilecavi
E noda veilasamaki
Dina ni rarawa kabani
A nomu yali vakadua yani
Qai oti beka na veilasamaki
Na lasa domoni kabani.

Obo sa qai oti, ra lasa
‘oni e na veibogi
A domoni e na sega ni oti
Dina ni rarawa kabani
A nomu yali vakadua yani
Qai oti beka na veilasamaki
Na lasa domoni kabani.


ISA AU DIVA MO KILA MADA DEAR NA LOMAQU

Veibogi kece au lasa voli kina
Au dau diva na matamu noqu dear
E rui momosi na yaloqu, dear
Vuni kena seva ni ko sega so ni dina,

Isa au diva mo kila mada, Dear, na lomaqu
E na noqu daumate lo voli e matamu
Loloma e lutu mai dela ni veivatu
Lusi mate wale na i loloma e rui vavaku.

E rui balavu na gauna ko lokuca
Vosa yalayala oti vakavuravura
Sa kena dodonu beka ga me’u vakasuka
Tini ki na mate oti kina vakadua.


ISA! AU TAGI E NA NOQU RARAWA

Isa! Au tagi e na noqu rarawa
Ni sa takali na malawa e na rama ni mataka
Ke ko sa na qai kida mai sa na takali
Vakadua yani ka tawa macala
Isa au diva na kabukabu ni voleka na siga
Caucau ni ulu ni vanua kei na tegu e rukuna
Sa na qai macala malua, moce yani.
Au sa na takali vakadua na malawa ni mataka.

Caucau na noqu senikau ko butakoca vei au
Ka’u sa biu tu mai ka lako e sega ni kilai
Ni’u yadra mai ko sa tawa laurai
Isa caucau na noqu senikau
Mo kauta lesu tale mai vei au.
Au tekiduru ka vakamamasu yani
Caucau, noqu senikau ko kauta yani
Kauta lesu mai vei au.


ISA! KABANI SA I IKO NA NOQU SENIROSI

Isa! kabani sa iko na noqu senirosi
Au daudivi iko voli e na veibogi
Na nomu i tovo e ruimosimosi
Vakavutu yalo ni ko yali voli
Oilei! sobo, nanumi au
Noqu senirosi ni’u tagi voli.

Kequ i katalau e veisiga na wai-ni-mataqu
E na noqu daunanumi iko na noqu salusalu
Ke laurai na uto ni tamata
Ko na raica na utoqu sa kaca
Oilei! sobo, nanuma na utoqu sa kaca
E vukumu lei drasa.

Ko Parataisi sa wawa vei kedaru
Noqu senirosi e cava beka sa bau lomamu
Ke sa lomamu me daru vakamau
Yalovinaka mo tukuna vei au
Oilei sobo, ka Parataisi
E na nodaru ke sa lomamu.


ISA LEI KABANI NA VOSA OQO

Isa lei kabana na vosa oqo
Au nanuma beka ni sa tini vakavo
Au san a lako yani e na kena I vakaro
Bau nanumi ira na wekadaru e so

Chorus:

Sivo wale lei sivo wale lei
Sivo wale au mate vei iko lei gonei
Cava sa e rogo na nona vakadre
Me qai kua soti na kena veisei

Isa na noqu koro isa au diva
Na cabe ni vula kei na dromu ni siga
Mai na nuku vula e na kena baravi
Ai yabeyabe ni noqu senirosi

Na codra ni siga e na rara ko ya
Si I Filipe qori me drau sala vata ga
Sere nei kabana me sa tini ga eke
Me na qai yacova na kena vakaipuipure


ISA LEI KO VITI

Isa Lei ko Viti
Na vanua ni marau
Ko cei beka
Na kena i Taukei?

Ratu Cakobau
Turaga qaqa Tui Sau
Sa nodra dina na Vanua
Ko Viti na Vanua ni marau.

Me’u cavuta mada
Viti Levu sa i matai
Toma-ni-Ivi cere sara
Kei na kena yanuyanu lalai.

Ko Vanua Levu
Taveuni kei Cakau
Yatu Lomai kei Kadavu
Ko Yasawa kei na Yatu Lau.


ISA LEI LIA

Isa Lei Lia!… Isa Lei Lia!
Au na soko wasa yani vei iko… Isa Lei Lia.
Isa Lei Lia!… Isa Lei Lia!
Au na soko wasa yani vei iko… Isa Lei Lia.

Au na qara nomu mataniciva
Me nomu i uku-uku veisiga.
Me nomu i sakisaki
Adi Lia …lei Lia.

Nomu leqa koso mai wai
Ko sega ni lamata rawa mai
Ko sevataki wale kina
Lia…… lei Lia!


ISA LOMAI – ISA NOQU LOMAI

Isa Lomai – Isa noqu Lomai
Noqu veiyanuyanu au daucibitaka
Cava me’u na kaya e na kemu i tuvaki
Noqu veiyanuyanu daulomani,

Ovalau, Moturiki, Batiki, Nairai
Koro, Wakaya, Makogai kei Gau.
Druka, au druka ni’u irovi iko tu
Moce Lomai, moce yani.

Dina ni’u yawa – ia, au voleka
Noqu veisiga e nomu tu ga
Divi ni i tovo ni draki mai noda
Moce Lomai – moce yani.


ISA NA NOQU DAULOMANI

Veigauna au gadi ko yali
Au luvuci ka tagi tu ga
Ni’u qara na matamu lei lewa
Dua bulu sa i iko au qara.

Ke ko yali se lako ki lagi
Me’u saga me’u bau rawa ga
Me’u reguca se lululu wale
Me’u saga moni bau kila.

Isa Iva noqu daulomani
Mai vorata ko sa biuti au
Lusi wale na kemu i buluti
Ko tinamu ni a cati au.

Au gadreva na nomu i loloma
Ka mo bau volavola ga mai
Ke ko bese mo tukuna mada
Me’u galala mo sereki au.

Moce mada na rosi ni bogi
Na guna sa mai tini ca
Au loloma vei kemu i karua
Veivosaki ko vakacala.


ISA NA TADRA

Isa oilei na tadra baleti iko
E sega tale ni dua e kila
Dua walega, e vuravura
Vua walega, o au duadua ga.

Isa oilei na tadra baleti iko
Noqu i yau talei duadua
Dua walega e taukena
Dua walega, o au duadua ga.

Ke’u toka duadua
Votu kecekece mai
Noqu veigagano kece
Baleti iko kei au
Oilei na tadra baleti iko
Sega e kila ‘o au duadua ga.

Isa oilei na tadra baleti iko
Vakavouya taucoko noqu bula
Dua walega, e reki voli
Dua walega, o au duadua ga.

Ia na tadra baleti iko
Noqu i nuinui e veigauna
Dua walega, e nui voli
Dua walega, o au duadua ga.


ISA NA YAKAVI NI KIRISIMASI

Isa na yakavi ni Kirisimai
Voleka ni tawase na yabaki
Keitou nanuma tu na lasa lagilagi
E na veiveijakavi mai Naiqaqi

Chorus

Drau sa moce lei Adi
Kei iko Ranadi
Sa i kemudrau na i taukei ni ki
Drau dauvakavuna neimami ravi e na i bili

Isa na yakavi ni Singa ni Sucu
Au daudivi Suva e na cumu
Cecebuya tu na ono lulu
Vata kei na kena i sulu
E na loma ni nodra dui rumu

Era mai taro tu na bameti
Sa sere dali tu na Foresi
Drau laki Siga ni Sucu vei Meti
Au sauma e na vosa rekireki
Drau waraka na i sau ni beseni.


ISA NOQU LEWA AU DOMONI IKO

Isa noqu lewa au domoni iko
Momosi na mataqu ni’u raici iko
Muria na gaunisala na dodomo dina
Tatadra vuni kece e kunei kina
Vavakoso lotu ra masu ka cuva
Marau ni ko dredre au kavoro kina
Domo ni laga sere au marau kina
AVE MARIA.

Dodomo au rui dodomo
Isa au domoni iko dina
Mo mai watiqu daru vau
Ko iko kei au
Ka mo dina taucoko
E na veiveisiga
Veidomoni wai wale e na dina
Solia na ligamu daru sa na vau
Wilika na vosa ni vakamau
Domo ni laga sere au marau kina
AVE MARIA


KIRISIMASI NAMAKI

Kirisimasi namaki, au gadi sobu yani
Lutu sobu na yakavi, rogo na i vakatagi
Au tarogi kabani, naba cava e daumaki
CLUB Naiqaqi.

Kemudou!! Keitou!! Kemudou dou to
Keitou warai ni dro
Mai na noda soqo, yaqona me vakaoqo
E via veiqati ga.

Naiqaqi au sivita, au rogoca na kaila
Au mani gole kina me’u lako ki raica
Caudre tu na kena cina, vale ga nei Sanaila
Rosi piqi, rosi damu e tiko kina.

Au butuka na wakolo, au rogoca e so na domo
Domo dina ga ni reki qai tinia e na mateni
Sa carubi, sa cabolo, ovisa sa wanono
Na mateni e kavoro se baci kavoro.


KATINI NI OKOTOVA

Nai ka tini ni Okotova
Ko na tawa guilecavi
E nai tukuni ni gauna
Kei Viti daulomani
1874
Na yabaki lagilagi
Mai Levuka soli ko Viti
Vei Vikatoria na Ranadi.

Torocake mai ko Viti
Yabaki ciwa ono sa oti
Bisinisi, vuli kei na lotu
E na bula va-Koloni
Sa dodonu meda kaila
Vinaka Peritania
Sa rawa na i tavi
Au sa tamata bula.

Tucake Viti, ko sa tu galala
Oti na veisusugi ko vakarurugi
E na i tovo ni veinanumi
Yavu cava beka meda digitaka
Veilomani kei na Duavata

Ranadi sau era kaci tale
Vei ira na Turaga Bale
Cabe e tolu na i wasewase
Ki Lodoni se i Bolatagane
Era bosebose ka qaqa
Yavutaki ni lewa
Sa rawa na i naki
Eda sa galala tu.

Ravouvou era tadu
Drotini sa veisau
Vakanaulu tu ko Viti
Ki na vuravura vou
Tataunaki na Vanua
Vei kemuni na veiliutaki
Eda qaqa e na i valu
Kei na qito talega
Bolebole tu na noda i tavi
E na veisau oqo. (repeat chorus)


KO BAU NA YANUYANU

Ko Bau na yanuyanu
Na vanua ni salusalu
Mocelolo na kukuwalu
Lagakali na rosi damu.

Cila ni vula bogi vinaka
Vunikau levu ‘ra soqo vata
Na rosi vula na Heilala (sinukakala)
Sa ira era vakatawana.

Dela ni koro mudre vinaka
Na i tikotiko ni Talatala
Ucu i Naceva au vakatabuya
Ka Sau Tabu ni noqu vanua.

Ni’u dau tu tani ‘u vakanananu
Rai ki Bau na yanuyanu
Noqu koro au sakitaka
Na vanua ga ni lasa.


KO I AU BEKA NA GONE VULAGI

Ko i au beka na gone vulagi
Nodra veilasa me’u tukuna yani
Nodra lasa vata kece na gone tagane
Veigauna, veibogi ni sogo tu na vale.

Era duilakolako vaka kabani
So era cabe ka so ki Naiqaqi
Era veikilayaka Io, na nodra i naki
Au kila, era kila, eda kila kecega.

Merewalesi kei Ema e rau totoka
Sa i rau oqori mai Nukualofa
Ko Nukualofa lei na yaca ni vale-ni-yaqona
Rui totoka, rui maqosa, nodrau qaravi yaqona.


Ko Viti Kau, Maraia kei Laisani
Nodratou vale e toka li mai cake
Vale-ni-yaqona e domoni ka rui lagilagi
Era lasa vata kina na gone tagane.

Nodra i tovo kece a rui kilikili
Me vaka kina ko Sainimili
Vale-ni-yaqona dina mai Lomaiviti
Rui suwiti ni’u diriqi me kena i divi.


KUA NI TAGICAKI AU, NOQU VITI LOMANI

Kua ni tagicaki au, noqu Viti lomani
Au solia noqu bula mo sa kauwaitaki
Talei vei au na noqu i tavi
E nomu rokovi kei nomu qaravi

Ciri koto e loma ni wasaliwa
Ceguvi iko na veibiau liliwa
Rama ni siga kei na cila ni vula
Vanua domoni, Vanua ni bula.
Sa tetevi vuravura na kemu i rogorogo
Rara ni qito, buca ni vala, ko dau sega tu ni soro
Kemu i divi marau na reki
Vakarokoroko nomu i tekiteki.

Au tu yawa, au vakanananu
Kina noqu yanuyanu, nuku vulavula vinaka
Qai baravi balavu, dreti au lesu ki noqu yavu
Soli noqu bula ki Vanua Tabu.


LAGILAGI E NA TAWA GUILECAVI

Lagilagi e na tawa guilecavi
E na noda dauveilasamaki
Ka dina ni rarawa kabani
E na nomu yali vakadua yani
Sa qai oti beka na veilasamaki
Se na lasa domoni kabani.

O sobo sa qai oti na lasa
Domoni e na veibogi
Lasa domoni e na sega ni oti
Ka dina ni rarawa kabani
E na nomu yali vakadua yani
Sa qai oti beka na veilasamaki
Se na lasa domoni kabani.


LINDEN LEA

Within the woodlands flow’ry gladed
By the oak trees messy moot
The shining grass blades, timnber shaded
Now do quiver under foot;
And birds do whistle over head
And waters bubbling in its bed
And there for me, the apple tree
Do lean down low in Linden Lea.

When leaves, that lately were a springing
Now do fade within the corpse,
And painted birds do hush their singing
Up, upon the timber tops
And brown leav’d fruits a turning red
In cloudless sunshine over head
With fruit for me, the apple tree
Do lean down low in Linden Lea.

Let other folks make money faster
In the air of dark-room’d towns
I don’t dread a peevish master
Tho’; no man may heed my frowns
I be free to go abroad
Or take again my homeward road
To where for me the apple tree
Do lean down low in Linden Lea.


LIWAVI AU NA TOKALAU

Liwavi au na tokalau, baravi kei Kadavu
Qera tu na maqo, e na dela ni veivatu
Maliwa ni siga ni sucu kei na tawase ni yabaki
Au lakova tu na baravi lomani.

Lutu sobu na karobo, cabolo mai na serevoli
Tou mai ia tou lako vakoro
Marau tawa yalani ko cei me tukuna
Oqori dina na yanuyanu mai na Sauca.

Maravu na wasawasa, sekavula na cakau
Era nunu na cauravou, ki vanua na kaba dawa
Marau ni yabaki, au mai donuya tu
Ko Kadavu na yanuyanu ni sautu.


LOVELY FRANGIPANI I ADORE YOU

Lovely frangipani I adore you
I’ve admired you from when I was young
You’re pretty on my ear
You’re graceful on my hair
Lovely frangipani I adore you.

I can only wish you knew just how I feel
About your bloom, your every pleasant bloom
Lovely frangipani I adore you.

In all our Fijian celebration
Frangipani, salusalu everywhere
With refreshing sight and scent
In the feast and in the dance
Bring joy and peace to our hearts.


LUTU SOBU NA YAKAVI

Lutu sobu na yakavi
Rogo vinaka dina
Na domo ni vakatagi
Era laga sere voli
E na so na baravi
Nuku vulavula qai dinamati.

Era kaci tu yani
Na domo ni wa ni vakatagi
Laga sere lagilagi e na tawa guilecavi
Sega sara ni yali
Se daro na i naki
E na veiyakavi
Baravi lagilagi tagi tu
Na domodra na wa kece ni vakatagi
Lagilagi tawa guilecavi.

MANUMANU VUKA

Manumanu vuka
Vakamarautaki au
Vakacegu ni’u rogoca na domodra
Vakayadrati au e na veisiga vinaka
Na domodra e botea na rarama.

Era vuka…Era tau…Era ro…..era ro
E memla, na domodra
Mai na veitabanikau.

Lutu na sobusobu se na ua mai cakau
Kauta yawa noqu vakanananu
Domo ni manumanu rui matata matalau
Rai yawa qai totoka na rokadra.

Veisau mai na draki era veitosoyaki
Me ganita nodra bula lagilagi
Ceva, vualiku, tokalau ki na Ra
Gauna cava me ra lesu tale mai.

Manumanu vuka, vakamarautaki au
Vakacegu ni’u rogoca na domodra.
Moce noqu manumanu vuka…..


MATAI NI GAUNA DARU A SOTA KINA

Matai ni gauna daru a sota kina
Nomu i vakarau totoka rui kamica
Susi sa i iko ga, Susi sa i au ga.
Kemu i taba ko solia vei au me’u taura
Me vakadei ni vosa ni yalayala ko tukuna
Susi sa i iko ga, Susi sa i au ga.

Au na daunanumi iko tikoga
Veisiga ni ko yali mai vei au
E rarawa na yaloqu ni’u raica
Kemu i taba Susi e rui kamica

Gusumu e kamica, balumu e damusa
Ko dredre mai vei au
Voleka me’u ciba
Susi sa i iko ga, Susi sa i au ga.

Nomu i sulusulu, nomu yabeyabe
Matamuni serau e na kena wananavu
Susi sa i iko ga, Susi sa i au ga.


MATAISUVA
Rui domoni vei au
Na vadugu ni ua mai cakau
Sekavula na vuso ni biau
Mai matalau vei iko kei au.

Uasivi na kemu i rairai
Mataisuva e rogo ka kilai
Ko sili kina ko la’ki yabe mai
Bulabula dina na kemu i rairai.

Isa au diva!
Na biau siliva
Me daru mai sili kina
Waimakere dina
Me vaka na ka ko a diva
Veiniu baravi qai cagina
Na noqu tatadra sa qai dina

Vei sereki ni vuli
Mataisuva e dua nanumi
Biau lelevu sa kemu i divi
Vakasisisi e dela ni kisi.

Moce Mataisuva
Au na talevi iko take vakadua
Ke balavu na gauna ni bula
Mataisuva uasivi duadua.


MEDA MAI TAURA TALE

Meda mai taura tale
E na bogi butobuto
Era veiciriyaki tu na O
Qai vosa cake mai na qase o Momo
I ragone me daru se mai dro.

Daru mai dro mai dro
Ke tamata na i tavoi oqo me vude no
Daru mai dro mai dro
Ke tamata na i tavoi oqo me vude no.

Vude tiko Nana vude tiko Nana
Au na la’ki Tukutuku vei Tata

Sua mai suaki au…sua mai suaki au
Suaka na saresarequ i matau.


MUDRE MAI NA CEVA

Mudre mai na Ceva
Mai na waitui bula
Tubu cake na ua ni Cakau
Mudre mai na Ceva
Vakacegu na yaloqu
Vakavuna na bula vei au.

Mai na Ceva, mai Kadavu
Ciri koto vakayawa mai wai.

Liwa mai, liwa mai
Cagi mai baba Ceva
Nabukelevu e votu yawa tu
Liwa yani na Ceva
Muaidule Latilevu
Noqu suesue au cegu.

NA CILA NI VULA DARU YABE NO

Na cila na vula daru yabe no
Veitalanoa ni gauna sa vo
Au vakananuma nomu waraki au
Ruku ni vunikau, oilei! noqu i tau
Mokoti au noqu i tau,
Mokoti au…… reguci au, lei.

Mokoti au, reguci au, vula ki na O
Caramaka tu nodrau sala sa vo
E kavoro lei vei iko lei gonei
Tauri au, vauci au, me’u dei,
Tauri au, vauci au, lei!

E ruku ni vula daru yabe no
Veitaratara na sote na vinivo
Taura na ligamu tarogi iko yani
Ko sauma e na tagi, dula kabani.
Dula, Buna, kua ni tagi,
Dula Buna, dula Buna, lei.

Ni dromu na vula, daru lesu ne?
Tukuna noqu i tatau vei Vava kei Nene
Au domoni iko au via vauci iko
Mataka daru vau, oilei noqu i tau
Mataka daru vau noqu i tau
Moce Buna mo tadrai au.


NA CILA NI VULA SA DAUMAKA

Na cila ni vula sa daumaka
Au vakamuria na gaunisala
Keirau sota kei kaivata
Kei ira kece na nona i lawalawa.

Tawa guilecavi rawa ga
Na levu ni lasa ni bogi ko ya

Keitou curu tu ki vale e na rere
Me baleta ga na neitou wede
Vovoleka me keitou sese
Ka ni vakaitaukei tu na qele.


NA KEQU LEWA SA LAIVI TU

Na kequ lewa sa laivi tu
Vei kemuni taudua ga
E rui dredre vei kemuni
Au na kerea tikoga

Sega tale sega sara
Me rawai kemuni
Ko I au ga vei kemuni
Au na kerea tikoga

Sega tale sega sara
Me rawai kemuni
Ko I au ga vei kemuni
Me’u nomuni taudua ga.

Siga kecega au nui tu
Vei kemuni taudua ga
Sega e kila na gagadre oqo
Isa noqu taudua ga.


NA MATANICIVA AU A VAKAWALETAKA

Na mataniciva au a vakawaletaka
Au biuta e matadra na vuaka
Veivutuni ni’u qai yadra cecekala
Sa sega tale ni’u kunea rawa.

Isa Lei gauna moni lesu tale mai.
Me’u mai vuli tale vakalailai
Na domo memela e la’ki rorogo mai
Sa moce na wekaqu yalowai.

Au a vuli tiko e na kena gauna dina
Au a vakawelewele voli kina
Vuki tabataba ni’u sa sivia
Rai vuki sa taura na buina.


NA NOQU DODOMO VEI KEMUNI

Na noqu dodomo vei kemuni
Isa Lei buna e rui bibi
Nomu vuli tiko e ka dredre
Dauvakaleqa na nodaru gade
Isa Salote bau nanumi au
Vakatotolo mai me daru mai vau.

O Isa, Isa Lei, na noqu dodomo
Na nomu yanuyanu totoka lei ko Ono
Mai vakavuna tu Buna, me’u via toso
Me’u qalowasa yani ki na nomuni koro.

Na nodaru sota vakalekaleka
Mai vakavuna tu noqu leqa
Noqu cakacaka e veivakaleqai
Mai vakavuna nodaru veirai
Isa lei buna noqu domoni iko
Au nuitaka ni daru na sota tiko.

Ni nomu i tatau, Isa Lei Adi
Nodaru veidomoni me kua ni guilecavi
Daru bau nanuma la mai muri
Daru tiko Vinaka e vu mai na vuli
Moce Salote na noqu senirosi
Sa i kemuni na noqu daudomoni.


NA NOQU SENIKAU DAUDOMONI

Na noqu senikau daudomoni
Senikau dina mai Lepanoni
Au dau nanumi iko me kemu i divi
Senikau dina mai Parataisi.

Isa Lei kabani, daulomani
Sa cava tu beka sa nomu i naki
Au bolea me’u mai moku sara me’u mate
Ke sa daro na nodaru vakawati.

E na so na gauna ni daru dausota
Ko rai mai ko vakagolegole ko sega ni bau vosa
Ko tawa nanuma na nomu buno vata kei na oca
Mai noqu wale voli na yacamu, tamata vakaloloma.


NA ROSI NI DELANA

Ni rogoca saka mada me’u talanoataka
Keimami lasa vata kei na rosi ni Delana
Nodra i tovo e rui daumaka e na neimani lasa vata
Isa na bula eke me ka ni cava?

Adi na cila ni vula au rui dauvakananuma
Kei na tegu e dauqera tu mai Naikadua
Na matamu au daunanuma, Isa noqu rosi vula
Au bolea me’u mate e vukuna.

Sa voleka na gauna moni takali vakadua
Au sa qai vakaloloma ka tauvi vukavuka
E na noqu biuti Suva au rui dauvakananuma
Lesu mai, au mai bole kuna.

Oi me’u mate (mate sara vakadua)
Se me’u kau (me’u kuna bulabula)
Isa noda lasa e rui daumaka
Kena seva ko iko lei Marama
Mo nanuma noda lasa ni warai na ka waca.

NA SENIKAU TALEI VEI AU

Na senikau talei vei au
Na senitoa ni dauserau
Ni kau rai yawa, rairai vinaka
Dautaleitaki e veiyasana.

Gauna namaki e veiyabaki
Gauna ni marau dina vei au
Ni vakasenuqanuqataki
Na senikau dautaleitaki.

Na senitoa sa serau
Senikau dokai sara e daidai
Ni a daubeci ka i tekiteki
Sega e kaya ni kau Vinaka.

Ni se tu mai sa ka dokai
Ka lagilagi kena i rairai
Ni dauseraka sa ka rai yawa
Ka ravuravu na duirokana.


NA SENITOA

Noda soqo ni yabaki
Soqo dautaleitaki
Soqo ni veilasamaki
Veivakamarautaki
Senitoa lagilagi
Senikau taleitaki
Rogo ki na veivanua
Kena daumarautaki.

Soqo ni noda vanua
Era galeleta mai
Mai veiyasa i vuravura
Ni domoni ka kilai
Senitoa ka daubeci
Sa kau talei e daidai
Kau rai yawa kau domoni
Ni se ga ka yali mai.

Noda bogi na i Taukei
Noda bogi talei e daidai
Ni da sota vata kina
Ka mai veivakalasai
Laga sere kei na meke
Kei na veika vou e so
Noda cau ki noda soqo
Adi bogi ni Taukei.


NASAVUSAVU NA VANUA NI LASA

Nasavusavu na Vanua ni lasa
Levu kina na marau levu kina na sautu
Levu na qito bau talega na siwa
Lisiaceva na ucuna au diva.

Naividamu kei Valeci au tiko kina
Vuniyasawa, Verevere, Qaka kei Vunikavika
Nabauto, Tavutikau vata kei Nakama
Na Yaroi na noda koro ni sota vata.

Cila ni vula qai dauvakaciriloloma
Ni maravu tu na toba ko Nawi e ciri e loma
Delai Navaqiqi qai daurairai totoka
Ko Savusavu Bau au daudomona.

Ratu Viliame Qativi ga na kena buli
Na i liuliu ni siwa matai e na vosa muri
Dauvakalasai ira kecega na vulagi
E na kena i divi e veiyabaki.

Ko Inoke Soqoiwasa kei Torika
Mai na nodrau vale keimami dausoqo kina
Isa Josateki sa maumau dina
Ni a yali keimami daudiva.Nasavusavu na vanua domoni
Ko ira na i taukei keimami veiyaloni
Na nodra koro keimami rekitaki kina
E na qito, cakacaka se mokusiga.


NATEWA NA NOQU KORO NI VASU

Noqu koro ni vasu e rui totoka
Veivale tuvaki vakamaqosa
Nuku vula qai cagicagi vinaka
Matalau ni da rai ki wasawasa.

Natewa na noqu koro ni vasu
Talei vei au na yacamu
Ko salusalu ni utoqu
Tawa guilecavi dina mai yaloqu

Ni moce na wekaqu mai Natewa
Ni vosota ni’u vakasereka
Vakayatuyatu ‘qo e lekaleka
Dua na siga au na qai taleva.


NI LUTU NA TEGU NI MATAKA
Ni lutu na tegu ni mataka
Ka ceguva na veisenikau
Era meke mai na manumanu
E vaka ni ra vosa mai vei au.

Na balumu kabani.
Au via katia!
Ni’u sa lila mai au sa rui diva
E vinaka me’u mate, me’u kua ni raica
Na matamu mai cake Isa na i vola siga.

Ko iko na sucu kei na oni
Na matamu lei na ka e tawa kilai
Ko sa viavia beka ni veibuca
Senikau ni veiuciwai.


NI RUI DEDE KO YALI TU MAI VALE

Ni rui dede ko yali tu mai vale
Yali tu ka yali mate wale
Era taro mai vei au na gone
E vei ko Tamaqu, I Nau e vei?

Ko yaco mai ko vosa bolebole
‘Ra talabusese na gone
Au moku, au tagi, dro na moce
E vei ko Tamaqu, i Nau e vei?

Oti na vula mera duimarau
Au vakaveveku voli ko i au
‘Ra vakaloloma na luvei keirau
Sa ca ra bula sa ca vei au.

Ko qai nanuma mo sa lesu mai
Siga rekitaki e daidai
Era marau kece na luvei keirau
Sa tu ko Tamaqu ka tu ko Nau.


NODARU GAUNA..ISA! LEI!… MARAMA

Nodaru gauna Isa Lei Marama
Au na sega ni guileacava
Noqu bula kece,au yalataka
Me’u sa na nomuni tamata.

Noqu yaco yani ki Vatukoula
Au liwavi cagi tu e tuba
Qau na liliwa, na tau-ni-uca
E vukumu noqu rosi vula.

Isa Lei Adi
Sa mai sevataki
Ko a cibi beka
Nomu drotaki
Sa lai moce riki, moce yani.

Sa qai macala dina na yalomu
Vei keitou na lewe tolu
Sa na qai cegu kina vakadua
Koya ko digia mo taura.

Tawa yaga Adi noqu vakayatuyatu
Ni ra cati au na wekamu
Mo kalougata ka bula balavu
Au sa na lesu ki Kadavu


NOMU SIGA NI SUCU LEI ADI

Nomu siga ni sucu
Nomu siga ni sucu lei Adi
Nomu siga ni sucu
Tawa guilecavi Kabani
Noqu i loloma au na qai vakauta yani.

Yaco na gauna
Mo sa tamata bula lei buna
Mo sa na qai yacova tu
Na lasa kece vakavuravura
Yalovinaka Buna Qai toso ga Vakamalua.

Au a nuitaka vei iko
Na gauna dinamati
Vei iko lei Adi
Mo digia me nomu kabani
Noqu i loloma e na qai
Yaco dina ga yani.

Na i olo-olo ‘qori
Ai vakadeitaki ni loloma
Kerei iko kina mo taura ka mo maroroya
Ke na i kuri tu na veilomani
Kei na Duavata.


NOQU SENIBUA QOROI

Noqu senibua qoroi
Divi e gauna kecega
Noqu i tekiteki, noqu salusalu
Noqu senibua qoroi.

Ke bau rawa mo kila noqu qoroi
Ni ko dau se, ko dausobi tu ga
Noqu senibua qoroi
Noqu senibua qoroi

E na veisoqo ni marau
Sevi se tomi ga e ra
Cori mo taubeni, cori mo tokari
Noqu senibua qoroi.


RATU NACAGILEVU

Sa i divi ni vanua ko Nacolase
Na vei turaga bale era liutaka
Nodra duigauna era dui colata
Rogo tu e dai na yacadra.

Au galala li mai na veiliutaki
Ni noqu vanua na Matanitu
Au galala li mai na noqu lotu
Sega ni’u galala mai vei ira.

Sa duri noda vale ni bose levu
Yacana sau na Ratu Nacagilevu
Na vono vanua me bosei kina
Ni kalougata tikoga.

Na soli keiViti era bau saini
E na koro ko Levuka seda kei Viti
Soli na Vanua sa kena madigi
Vei Vikatoria na Kuini.


REWA AU CIBI TU, E VUKUMUNI

Rewa au cibi tu, e vukumuni
Noqu a susugi mai vei kemuni
Vakacokonaki au ki na bula ‘qo
Noqu Bula dredre
Sa vukei au.

Dina e Vanua ca
Luvu wasoma
Au na dauvosota tu
Me’u colata ga
Vakacokotaki au
Ki na bula ‘qo
Noqu Buca dredre
Sa vukei au

Taki vei yaga tu
Na bula oqo
Na lewena e na gu era gu ki liu
Au na vakataka ga
Ni colata tu
Cibitaka ka doka
Na Buca oqo.

RUI TAWA YALANI NA NOQU DODOMO

Rui tawa yalani na noqu dodomo
Isa noqu uto e mai kavoro
Marau wale ni’u tawa yaco vei kemuni
Tavatukituki noqu uto taucoko
E na kena levu ni noqu dodomo
Bulou, au vosota noqu galili
Ni’u domoni kemuni.

Ni sa i au e dua na ka bula
Tu welewelei e na veiveigauna
Au daunanuma na veidomoni
Uasivi duadua
Au taukena na vo ni nomu bula
So vei keda eda dau mai nanuma
Au marautaka ga ni’u taukena
Noqu matakaka.

So na veika dautawasea voli
Dauvakavuna na mate ni veidomoni
Oqori ga na ka au nanuma
Ni’u sega ni kila
Wai ni dodomo e savasava
Nodaru veidomoni rui lekaleka ga
Na noqu dodomo mai vaka na vale lala
Sega e tawana.

Au tekivutaka tale noqu bula
Ni’u sa kunea na kequ i karau
Noqu daulomani uasivi duadua
Taukena noqu bula
Uciwai drodro malumu ni dodomo
Vula, kalokalo ni bula taucoko
Drokadroka dina vei au na dodomo
Ni’u mai kavoro.

ROGO MAI NA KACI NI NOQU MATANITU

Rogo mai na kaci ni noqu Matanitu
Rogo mai na kaci ki na i valu…. Ai valu
Kaci ni noqu vanua me’u yalogu
Ki na i valu me’u sa bole tu
Noqu koro kei na lasa kecekecega
Veitinani kei noqu i tau talega
Sa biu tu ni kaci mai na noqu turaga
Ki na i valu au na lako ga.

Isa lei koi au me’u nanumi
Masulaki tiko (me’u nanumi tiko)
Me yacova ni’u na lesu mai
Sota e na marau, mai loma i Bau.

Roro mai na gauna me’u sa na lako kina
Sa luluvu na lomaqu ni’u sa kila
Sa voleka me’u na biuta noqu Vanua
Lesu mai ko cei e kila
Na rarawa au na sota kaya mai kea
Leqa kei na mate au na lako ki yaba
Au na sega ni okata me dua na ka
Yaca i Viti me laveti ga.

SA BALE DUA NA DURU

Sa bale dua na duru
Yavu ni i taukei
Dauveituberi loloma
E divi nodra gaunaYaga daudokai
E na kawa bula i taukei

Chorus:

Sa na rawa dina li na vakanuinui
E na tara vale vou kena yavu oqo
Na nodra gauna oqo
Na nodra gauna kece
Nodra veiqaravi
Sa baleti iko kei au.

Era sa tu oqoka
Kedra I sosomi
Eda duavata kei ira
Na nodra bula oca
Eda bula kina
Nida sa vosota tu ga

SA I LEVUKA GA

Sa i Levuka ga: Au nanuma tu;
Na kena veilasa kece
Dauvovotu mai e na veiveigauna
Veisiga kei Levuka.

Vei-Vatuloa ka koro makawa
Seva na veibiau kei Viti e Loma
Dauvadugu tu na kena cakau
Lali ni neirau vakamau.

E makare tu, vei au oqo
Na noqu gauna e Levuka
E na noqu tu ka raica lesu
E rui kamica dina vei au.

SA LAVETI TU, YACA AU DOKA

Sa laveti tu, yaca au doka
Yaca ni vanua, soli mai vua
Ai tavi dei, au sa taubena tu
Sau ni vanua, me laveti tikoga

Laga na sere me dei tu
Na noda i bole Sau
Noqu Kalou, noqu Vanua
Me rokovi tikoga
Ai tavi dei, au sa tubena tu
Sau ni vanua me laveti tikoga.

Au sucu me’u dauveidokai
Cola na Turaga, gauna kecega
Ai tavi dei, au sa taubena tu
Sau ni Vanua, me laveti tikoga.

SA MOCE LEI SISI

Sa moce lei Sisi, sa moce!
Kemu i cavu na nomu i golegole.
Mai vakavuna nodra doce
So vei ira era dauvakote
Sa moce lei Sisi sa moce.

Na balu i Sisi e rui dakoba
Dreu cavu vakadrau ni Tavola
So na gauna nida dausota
So e kavoro vakaca na utona
So e tavuki nona qavokavoka.

Na balu i Sisi e rui dravia
Dreu cavu vakadreu ni kavika
Ni daukala tu na siga
Sisi na kemu i cavu dina
Sa moce lei Sisi sa moce!

So na gauna ni da yaco yani ki keri
So e saini mera masi teveli
Ni qai qiri tu na tini
So era tube i kakasivi
E nodra kavoro vei iko noqu Sisi.


SA SEAVU TIKO YANI VAKAMALUA NA KEMU KAMICA

Sa seavu tiko yani Vakamalua na kemu kamica
Vu ni noqu sesewa ni ko rogo vosa mai vei ira
Kauta vakatani na veivosa kece au cavuti kina
Kerekere vakacegu sa moce mo laiva noqu dina.

Sega soti ni yaga na veivosa ko la’ki rogoca mai
Ko a mai katona e yalomu vu ni nomu mai rawai
Gauna ni veitawasei sa roro tiko mai
Baleti iko ga ni ko sa rui yalowai.

Au nuitaka tu me daru na mai tiko marau
Me vakayacori kina na yalayala me daru mai vau
Mo vakanadakuya kece nomu vosa ni tatau vei au
Ni ko sa luvata tani na nodaru mama ni vakamau.

Sa la’ki moce mada yani, isa, lei tamana
Tini dole na gauna ni ko sa mai vakatawayagataka
Ko la’ki tiko vakacegu me qai nomu na kalougata
Au sa na lesu take ki na noqu veilasa makawa.

SALUSALU QOKA KIDAVAKI KINA

Salusalu qoka kidavaki kina
Salusalu qoka ko qoroi kina
Reki taucoko na yalo e vukumu
Sa i iko au dautadra
Sa i iko au dautadra

Taubena qoka, taubeni au
Se mo taubena noqu yanuyanu
Reki taucoko na yalo e vukumu
Sa i iko au dautadra
Sa i iko au dautadra

With these salusalu, we welcome you
With these salusalu we adore you
Everyone tonight is grateful about you
It’s a moment of wishes come true.

Wear these salusalu you wear our hearts
Wear these salusalu you wear our islands
Everyone tonight is grateful about you
It’s a moment of wishes come true.


SEGA NI’U A TADRA

Sega ni’u a tadra
Se me’u bau vakila
Ni na mai yaco tu
Na lasa oqo
Au rai lesuva tu
Noqu bula voli mai
Veirauti tu kei kemuni

Au na daunanuma tu
Na kalougata oqo
Na yaloqu e serau
E vukumuni
Au sa na veisau
Au sa na veisau
Veirauti tu kei kemuni

Au sa kila oqo
Veileqa kecega
Au na dausotava tu
E na gauna oqo
Au rai lesuva tu
Noqu bula voli mai
Veirauti tu kei kemuni.

SENIJIALE, NA SENIJIALE

Senijiale, na senijiale
Bulabula dina gauna kecega
Kena i boi malumu daumuloci au
Sega tani tale, senijiale.

Dauvesuki au
Na kemu i boi
Siga kei na bogi
Dua tu ga
Senijiale, na senijiale
Sega tani tale, senijiale

Rugurugua ka rui malumu
Kemu i boi kamica daumateca tu
Ke ra tu taucoko na veisenikau
Sega au digia, senijiale.

SERE KEI NASINU

Isa noqu koro
Vakarau me’u biuti iko tu
Rairai beka sa na vakadua
Noqu tiko voli vei iko
Bau nanumi au noqu lako voli
Yacamu au na dauvalataka
Mo nanumi au tikoga ka tawa mudu
Mo na masulaki tikotikoga
Sega ni na yali
Daudivi na kemu i rairai
Veibogi ni daucila na vula
Vagagalu tu ko vuravura.

Dina mai muri
Ke’u sa na mani yaco tale mai
Au sa na wili vakavulagi
Vei iko isa noqu koro
Sa na veisau e vuqa na ka
Muria tu na toso ni gauna
Au na tu voli ka vakararai
Nanuma lesu tale nodaru gauna
Cava me’u na kaya
Sa i tovo ni noda bula oqo
Au na cala ke’u na dreti iko tale
Noqu gauna sa sivi yani.

SENIVAU VULA

Senikau cava tale beka sa vo
Me’u seretaka
Senibua, cevuga, makosoi, lagakali
Dauweroki tu ga
Uci, maba, caucau, viavia,
Rosi damu
Era dauseretaki
Senikau cava tale beka sa vo
Me’u seretaka.

Noqu senivau vula
Isa! Noqu senivau vula
Senikau rai yawa
Rui totoka taligoci tu ga
Au seretaki iko
Mo na divi talega mai muri
Noqu senivau vula
Isa! Noqu senivau vula.

E vakaevei au ni ko vula voli
E na wasa Pasifika
Ka cilavi iko voli na siga
Rugurugua, cagi mudre malua
Mai na kena veidelana kei na
Kena baravi veiniu nuku vula.
Isa, mo vosoti au noqu senivau vula
Ni ko tu taudua.

Noqu senivau vula
Ko bula voli e na kedra maliwa
Na veisenikau duiroka kei na vakanomodi
Era dautukuni koya na manumanu vuka
E memela na domodra
Mai na veitaba ni kau
‘Ra raici iko ni ko galili voli.

SERE NI DODOMO VEI KEMUNI

Sere ni dodomo vei kemuni
Kila ni rui bibi
Sere ni dodomo vei kemuni
Adi e rui ka bibi
Au dodomo, domoni kemuni
Adi e rui kabibi
Kila daulomani e ka dina kece
Au domoni kemuni
Kila daulomani e ka dina kece
Au domoni kemuni.

Veivosa kece mo katona kecega
Kua ni rogoca walega
Vosa kece mo katona kecega
Isa lei matakaka
Au masuta, masuta tikoga
Me yacova na gauna ko ya
Kila daulomani e ka dina kece
Au domoni kemuni
Kila daulomani e ka dina kece
Au domoni kemuni.

SERETAKA NA VEITALATALA

Seretaka na veitalatala
Vakamoce ga mai vei au
Na rarawa au mai sota kaya
Gauna cava mo lesu mai vei au?

Mua yani na waqa me’u sa gole
Au mai duri taudua tu
Yaloyalo vei au e na luluvu
Rui momosi na veitawasei.

Ena sega ni yali mai mataqu
Na momosi ni nomu i vakarau
Kusa mai meda mai veisotari
Au tu voli ka’u rui galili
Au nanumi ga mai e na i vola
Me yacova ni’u raici kemuni.

SOBO MARICA NOMU LAKO

Sobo Marica nomu lako
Mosimosi dina vei au
Tovolea tiko me’u vosota
E na sega beka ni rawa

Yalomu kece au kerea

Ena rawa beka se sega
Daru sota tale vakadua

Nomu sa lako vakadua
Isa e vaka na tadra
E na tawa mudu e yaloqu
Noqu daunanumi iko voli

Noqu masu tu e veisiga
Daru sota tale vakadua
Veitalia se evei
Me daru na sota mada

SOQO VINAKA

Soqo vinaka ni da mai sota vakaturaga
Seavu kina na rarawa ni lomada
Gunu yaqona kei na lasa kaivata
Bau cava tu na gunu ni da sota vakaitabavata

Dina ni da duidui yasana
Me nanumi ga na ruku ni varada
Noda i Soqosoqo se Vanua ni noda gunu vata
Dredre ga mo cegu, Isa Lei, Marama.

Guilecava na rarawa kei na oca
Levu veikeda era bula ocaoca
Sega e sivia ni da gunu ka veitalanoa
Vakasinai me rawa na tasi meda dui qai.

SURETI KEMUNI LEI ADI

Sureti kemuni lei Adi
Moni bau gade mai
Kina noqu koro lagilagi
Au galala tu ko i au
Mo ni mai taukeni au
Mo rosi ni vale digitaki.

Na noqu vosa dina qoka ni’u na dina
Mo Taukei ni vale vakadua
Kua ga ni vakasuka, yalomatau
Ni na yaco dina na gauna.

Na veisureti dina qori
Ka sa rui mosimosi
Mai talevi au daudomoni
Sa i iko ga na noqu rosi
Au gadreva lo voli
Mo mai saluwaki ni bogi.

TAGIMAUCIA GA

Tagimaucia ga na senikau talei
Ni vanua rogo ka kilai levu ko Cakau
Salusalu qoroi kei Ulu-i-qalau
Era lili ka ra sala tu e taba ni kau
E a vu sara mai na dua na turaga
Totoka ka mata vinaka, divi ni yabe mai
E a sa qai lewai mera vakatalai
Nodra yali no suidra ga e a qai laurai

E delana ko ya e nodrava la’ki tu
Era tagi ka ra laiva nodra i loloma dei
Oai kadre cake main a senikau talei
Tagimaucia na nodra i loloma dei
E matalia ga na kena i vakarau
Ka ne rawa me se, ewa na Tui Cakau
Sakisaki e dai ni senikau dokai
Matalau ka totoka tu na kena i rairai

Tagimaucia ga na senikau talei
Ni vanua rogo ka kilai levu ko Cakau
Salusalu qoroi kei Ulu-i-qalau
Era lili ka ra sala tu e tabanikau
E ucui ira tu gone turaga ko ya
Totoka ka mata vinaka, divi ni yabe mai
Qai kadre cake main a senikau talei
Tagimaucia na nodra I loloma dei.

TALANOATAKA MADA NA NOQU BIUTI NEITOU

Talanoataka mada na noqu biuti neitou
Me’u sa gole sobu yani ni Nubukalou
Na levu ni lasa, na kasou kei na qoqolou
E valoloma nodra i vosavosa na Bulou.

Drau sa moca ko Akanisi kei Bale
Na noqu i loloma mo drau biliga walega
Ni ko dauvosa, ko daumata dredre
E vovoleka me mai kavoro noqu i ukalele
Au qai diva na kemudrau munemuneke
Sa wacava me daru mai veikeve.

Vakarauwai ni daulutu na yakavi
Me’u taubale cake yani ki Turaki
Me’u veivuke na tubetube bilikani
Me’u waraka me sogosogo tu na vale.

TALEI NI NOMU I VAKARAU

Talei ni nomu i vakarau
Vukivuki e na kena matau
Yalayala vei iko kei au
Me yacova na siga ni vau.

Dua ga na bogi ni nodaru sota
Nomu veiwali kece au katona
Noqu dina kece ko mai butakoca
Ia, mo la’ki maroroya.

So na gauna ni tavuki na lomaqu
E dauvotu vei au na matamu
Vakaciria noqu vakanananu
Sa i iko noqu salusalu.

Au rarawataka nomu sa takali
Dauvunia e lomaqu noqu tagi
Vovotu e mataqu noqu daulomani
Noqu i loloma moce yani.

TAMAQU SA IKO GA

Tamaqu sa i iko ga na noqu i vakarau
Noqu bula au sakitaki au
Raici au ka’u doka
Kaya ni sa i au ga
Vuravura ni rui vou vei au.

Tamaqu, Isa tamaqu
Au na cibitaka tikoga
Sai kemuni na noqu senikau
Vosoti au kina ni’u sakasaka
Isa tamaqu, tamaqu dua bau.

Na yacamu walega au na maroroya tu
Ka me kua ni ko rogorogo ca
E na nomu i vunau ko a vulica vei au
Rawa kina me’u sauma na dinau.

THREE HUNDRED ISLANDS

Three hundred islands in the sun
With warm climate happy people
Only just waiting to welcome
Step from your ship or plane

Fabulous fishing welcomes you
The sport you’ll never miss
Swimming in the blue lagoon
Blue, Blue, Blue
You will explore all of your dream
In all these islands in the sun

Fiji’s a jungle warm, friendly
Miles of unspoilt nature’s beauty
Lush fresh and green, plains, mountains
In all these islands in the sun.

Fijian dishes welcome you
Prawn in lolo, succulent pork
Fresh tropic fruits, pawpaws, mangoes
In all these islands in the sun.

TOBU TAWA SINAI

Gauna cava mada me na qai oti
Ni rogici tiko, dua na rorogo
Rogo voli mai, rogoci tu oqo
E na daurogoci tikotikoga
E se sega mada ni dua na gauna
Bau mudu kina na rorogo ‘qo
Rogo voli mai, rogoci tu oqo
Na drodro tu ni wai ki na tobu.

Ke sa na qai mudu na rorogo oqo
Dua ga na ka sa kilai
Ka yali qai Sinai vakadua tu
Qai Sinai vakadua tu na tobu
E se sega mada ni dua na gauna
Bau mudu kina na rorogo ‘qo
Rogo voli mai, rogoci tu oqo
E sa na daurorogo tikoga.

Veisiga kece dauvotu mai
Ki vuni yaloqu na taro oqo
Au a saga, sagai tu oqo
E na dausagai tikotikoga
E na gauna cava me na qai mudu
Ni rorogo tiko dua na rorogo
Rogo voli mai rogoci tu oqo
Na drodro tu ni wai ki na tobu

TOU MAI LAVETA NA NODA MARAU

Tou mai laveta na noda marau
Vua na Tui na Vunivalu
Meda Vakamudu…muduo Vua
Ni nona kece….kece na lewa

E na veiyabaki, sa oti tu
Sa sivia kece na noda i gu
Ka sa yacova dina tu
Bogi lockuci, bogi oqo.

Sa ka ni marau dina sara vei au,
Ni yaco na bula vei iko kei au
Na wasa ka tu na wasa balavu
Keirau sokota kei Yalo Tabu


TUBU TIKO NA GAUNA LAGILAGI

Tubu tiko na gauna lagilagi
Kamikamica noda dauveilasamaki
Sa qai yaco me’u biuti kabani
Nuitaka ni’u na lesu bula yani.

Isa Oilelei na noqu seniuci
Noqu bula tu na cagi mai muri
O mai ovici au e na nomu i Tutuvi
Koi au beka na kena i ubi.

Rosi walega na bai kei Marata
Ni cabe mai o vula e dela ni wasa
Vakaloloma na delai Kalekana
Ni’u yabeta tu na rara ni vula.

Vakatawase ni yaco na marau
Au mai moce tu oqo e veikau
La’ki tiko vakacegu marau
Na rarama levu e bikai au.

TUKUNA NA NOQU I LOLOMA

Tukuna na noqu i loloma
Vei iratou kece mai vale
Noqu vakanuinui kece sara
Ni’u na lesuvi kemudou tale.

Tiri mai na wai ni mata ni rarawa vutugu
Buca ni valu au mai butuka tu
Rogo mai na domo e memela
Mai na ulu ni noqu Matanitu.

Rai lesuva na yaloqu ka’u tagi
Veigauna au sivia yani
Au masulaka ki Vua mai Cake
Me tou na sota bula tale mai vale.

So na gauna ni’u dauyalomarau
Nomu i vola e dauyaco mai vei au
Au mai wilika tu oqo e veikau
Me valataka na noda Ranadi Sau.

VAKARAU TUBUNA SA TAKALI

Vakarau tubuna mo sa takali
Kalokalo ni lomalagi era duitagi
Cila ni vula, mudre ni cagi me i saluwaki
Nodaru na veitawasei na Isa daulomani.

Na momosi ni yaloqu e kila ko Nau
Noqu i loloma drau na sala vata ena vuso ni biau
A kerea mo bau la’ki nanumi au
Mo vosota ni’u vakaturuma na wai-ni-matamu.

Mai noqu tu na vakaloloma e matasawa
Vakaraica na vuso ni ua e baba ni waqa
Nomu takali Adi Senirosi ki nomu tebara
Marau, dauvakamosi yalo, mai noqu na rarawa.

VAKARAUBUKA AU BIUTI SUVA

Vakaraubuka au biuti Suva
E luluvu na lomaqu au via butuka
Isa na bula ko cei me tukuna
Ni sa i Nukulau na koro ni kukuna
Isa au tagi ka’u vakananuma
E na noqu tu yawa ka via butuka.

Isa au tagi e na noqu nanumi Suva
Ni’u sa tu yawa au via butuka
Isa Kabani na matamu au nanuma
Nuitaka na noqu bula mo ni taura.

Turaki, Naiqaqi era dautukuna
De mani rawa beka na qalo yani ki Suva
Kua ni guileca ‘o na i ka dua
E na tegu domoni e daulutuka
Hili kei Draiba au qai daudiva
E na suka ni lotu me’u gole yani kina.

Isa na gauna au daunanuma
Mai Nukulau na nuku vulavula
Liwa ni cagi na tau ni uca
E vulici na i valu e na veiveigauna
Na yaci i Viti kemami nanuma
Ko ni wele voli na wekada mai Suva.

VAKAYATUYATU NI NOQU DODOMO
(MERE SAYABA)

Vakayatuyatu ni noqu dodomo,
e na nomu mai biuti au.
Josese mai noqu tagane,
nodrau veivosaki kece ko voroka.

Dina beka ni ko sa biuti au,
Noqu gauna sa mai maumau
Sa baleti iko ga daulomani,
Tawa nanuma nodaru veikilai.

Noqu tagane au sa mai rarawa
E na nomu mai vosa walega
Au kania na wai ni mataqu
Ni’u nanuma na gauna oti yani.

Sa i Mere dina beka na yalewa
Ko nanuma mo na mai taukena
Ena tawa guilecavi na matamu
Kei na vosa kecega ni yalayala.

Au sa na vakamoce lei tukana
Vei iko noqu matavinaka
Au na waraka tiko na gauna
Mo taukeni au kina vakadua.

Au loloma kina nomuni Vanua
Sa i Gau ciri sara vakayawa
Ke na i kuri vei koya ko digitaka
Me i sosomi kei Mere Sayaba.

VEIBOGI KECE AU MOCE VAKACA

Veibogi kece au moce vakaca
Ni’u daunanuma lesu noqu vakasami ca
Au na lesu tale vua de’u qai bera
Ki na nona vanua, vanua ni veisenikau.

Ai divi kei Viti noqu daulomani
Momosi na utoqu vei rosi lomani
Au na lesu tale vua de’u qai bera
Ki na nona vanua, vanua ni veisenikau.

Na noqu biuti koya au leqa vakaca
Oqo sa na lesu vakadua ki vua
Au na lesu tale vua de’u qai bera
Ki na nona vanua, vanua ni veisenikau.



VEISIGA AU DIVA TU

Veisiga au diva tu
Rawa beka mo na vakila
Na lomaqu me baleti iko
Iko taudua walega
Isa bau volavola mai
Mo vola e dua ga na ka
Dua sara mada ga na vosa
Au na masulaka dina ga.

Cava li au vesu kina
E na kemu vakanananu
Rawa li me’u na lewa
Me vakataki au
Isa bau Volavola mai
Mo vola e dua ga na ka
Dua sara mada ga na vosa
Au na masulaka ga.

Ke’u mani ogaoga tu
Se’u lako wale voli ga
E na dua dina na gauna
O na basika mai yaloqu
Isa bau Volavola mai
Mo vola e dua ga na ka
Dua sara mada ga na vosa
Au na masulaka dina ga.

VEIVANUA AU DAUSOKOTA VOLI

Veivanua au dausokota voli
Torocake o Labasa e na soli
Au sobu ki vanua e na bogi
Au sota kei iratou na rosi
Balu dravia ka ra qai mata momosi
Sa dina ni vakaitaukei o Vulovi.

Isa so na siga
Au loloma bibi
Ni’u dautadrai kemuni
Noqu i loloma sobu ki boto ni wavu
O Vulovi na vanua ni salusalu.

Na yacadra au na sega ni tukuna
Au na qai talanoataka vakamalua
De na sese kina noqu vakabauta
E na vuku ni tekiteki vulavula
Senijiale kei na senicevuga
Sa moce, say goodbye
Cila ni vula sobu i Drekeniwai
Taladrodro ki na noqu lomanibai
Sa moce Nani kei Adi Lailai.

VEIYATU YANUYANU

Veiyatu yanuyanu
Domoni talei
Veidelana drokadroka
Kei na kena cakau
Uciwai Savu
Na veisenikau
Noqu Vanua, noqu Vanua
Ni marau.

Dau kacivi ira lesu
Luvemu tu yawa
Me ra lesu tale mai
Ki na Vanua ni tadra
Cegu ni yago
Na yalo talega
Noqu Vanua, noqu Vanua
Ni marau.

Veibogi kei Viti
Gadrevi ka domoni
Nai boi ni salusalu
Ka me i lumu ni bogi
Cegu ni yago
Na yalo talega
Noqu Vanua, noqu Vanua
Ni marau.